احلف بغربتي وحق غربتي ارجع البغداد لو ما يضل نفس بية
هية هاي النذل جابهة هية هاي يا بوش الديمقراطية
وهاي الوادم كل يومية تنذبح وتنذبح وتنكل مية
بالغربة وكرهت حتى احبابي واذكر ايام الطفولة واذكر الممية
وهذا قلمي ما يرضى يكتب على احبابة وحتى قلب علية
ليش اريد اعرف ليش ما تكول هذا الشاعر خطية
يا قلمي اريد اعاتب واكولك عندك هاي القابلية
اشوكت يا نار العراق ووشوكت يا حاضن بغداد يحن علية
مو ماتعرفونةاحنا العراقيين ويا الزمن تلاوينة ومن انثور ما نعرف كل قضية
ماكو رحمة ابغداد وصارت دنيتنة بس كتل واذية
منين متروح بالعراق صار بي سيطرات وجهات امنية
اخاف اكول احب الشيعة وازعل المناطق السنية
بس اخوتي السنة والشيعة وراضعيين من امي العراقية
هذولة منين اجونة صار الكتل بس على الجنسية
شنو اشصار بعقلي وشنو فهموني اشصار بية
كمت اعاشر صديق واكولة منين وليش هاي الطائفية
حبيبي يا عراق ما اعوفك لو يعذبوني ويكصون ايدية
اشصار يا عالم شبساع الدنية انكلبت وصارت بلية
يابوي اشكد حلوة مناطق بغدادواحلاهة الاعظمية
ويابوي شمحلاهة لمت الاصحاب وزورت الكاظمية
هم تفرج يا رب الكون وانروح انزور اهلنة بالعامرية
وانروح انزور اهلنة ومانختلف على المناطق الشيعية
خالي سني وعمي شيعي ومانفترق ابد وانكون سوية